ബോളിവുഡിന്റെ ഡ്രീം ഗേള്‍ മാധുരി ദീക്ഷിത്തും, രണ്‍ബീര്‍ കപൂര്‍ ഒന്നിക്കുന്ന ഗാനം പുറത്തുവന്നു. യെ ജവാനി ഹേ ദിവാനി എന്ന ചിത്രത്തിലെ ഒരു ഗാനരംഗത്തിലാണ് മാധുരി ദീക്ഷിത്തും, രണ്‍ബീര്‍ കപൂറും നൃത്തം വയ്ക്കുന്നത്. ധക് ധക് സുന്ദരി ഗാഗ്രയെന്ന ഐറ്റം ഗാനം ഇതിനകം തന്നെ യൂട്യൂബില്‍ ആയിരകണക്കിന് പേരാണ് കണ്ടിരിക്കുന്നത്.
നേരത്തെ ഈ ഗാനത്തിന്റെ അവസാനം മാധുരി ദീക്ഷിതിനെ കവിള്‍ത്തടത്തില്‍ രണ്‍ബീര്‍ കപൂര്‍ ഉമ്മ വെയ്ക്കുന്ന രംഗം സംവിധായകനെ നിര്‍ബന്ധിപ്പിച്ച് രണ്‍വീര്‍ ഇതില്‍ ഉള്‍പ്പെടുത്തി എന്നത് വലിയ വാര്‍ത്തയായിരുന്നു. മാധുരിയെ കാണാനും അവരോടൊപ്പം ഒരു ഐറ്റം സോംഗ് ചെയ്യാനും സാധിച്ചതില്‍ താന്‍ ഹാപ്പി ആണെന്നും രണ്‍ബീര്‍ പറഞ്ഞു.
മെയ് 31നാണ് ചിത്രം തീയ്യറ്ററുകളില്‍ എത്തുന്നത്. ധര്‍മ്മ പ്രോഡക്ഷന്‍റെ ബാനറില്‍ കരണ്‍ ജോഹറാണ് ചിത്രത്തിന്റെ നിര്‍മ്മാണം. അയന്‍ മുഖര്‍ജിയാണ് ചിത്രത്തിന്റെ രചനയും സംവിധാനവും. പ്രണയത്തകര്‍ച്ചയ്ക്ക് ശേഷം താരജോഡികളായി രണ്‍ബീറും, ദീപികയും ഒന്നിച്ച് എത്തുന്നു എന്നതാണ് ചിത്രത്തിന്റെ പ്രധാന ഹൈലൈറ്റ്സ്
No comments :
Post a Comment